Maskara

Panayan da kang datang. Ika na akit mu kung ninu aku talaga. Balu ku na patse datang ka akit mu na sasalikut ku mu king maskarang ini; na papakit ku mu na ala kung pakialam, mapamyalung, at ali byasang lumugud; na apapanasakit da ka kasi lalabanan ku ing daramdaman ku para keka; na akit mu na king kilublublan ku metung ku mung babaying tatakut lugud at manasakit. Panayan da ka, ika na talan king gamat ku palwal king madalumdum kung pisasalikutan. Para keka buklat ke ing pasbul ning biye ku, para keka lako ke ing maskara kung mapagmasyas at mailap. Para keka isugal ke ing pusu ku.